Во интервју за списанието „Тајм“, објавено денеска, а направено на 22 април, Трамп ја обвинува Украина за започнување на војната
Американскиот претседател Доналд Трамп даде нови изјави за преговорите за завршување на војната во Украина.
Во интервју за списанието „Тајм“, објавено денеска, а направено на 22 април, Трамп ја обвинува Украина за започнување на војната.
„Мислам дека она што предизвика војната да започне беше кога Украинците почнаа да зборуваат за приклучување кон НАТО“,
рече Трамп.
Според медиумските извештаи, мировните планови што ги заговара Трамп вклучуваат предавање на приближно 20 проценти од украинската територија на Владимир Путин.
Трамп, исто така, изјави за „Тајм“ дека Крим ќе остане руски и се осврна на полуостровот што Русија нелегално го анектира во 2014 година.
The first 100 days of President Donald Trump’s second term have been among the most destabilizing in American history.
— TIME (@TIME) April 25, 2025
He sat down with TIME at the White House on April 22 for a rare long-form, on-the-record interview about the last three months. Read our story:… pic.twitter.com/FkCTUxCviT
Во врска со неговата изјава дадена за време на неговата претседателска кампања дека ќе ја заврши војната во Украина уште од првиот ден, Трамп одговара:
„Го кажав фигуративно, го кажав како претерување за да истакнам поента, и знаете, секако лажните вести го искривуваат тоа. Очигледно, на луѓето им е јасно дека ова беше кажано на шега, но и дека сериозно мислев дека ќе заврши“.
На прашање на новинарот, зошто трае толку долго и кога мисли дека ќе биде готово, американскиот претседател вели:
„Не мислам дека трае долго. Слушај, тука сум само три месеци. Оваа војна трае веќе три години. Тоа е војна што никогаш немаше да се случи ако јас бев претседател. Тоа е војната на Бајден, не моја. Јас немам никаква врска со тоа. Таа војна никогаш немаше да се случи. Путин никогаш немаше да ја почне. Таа војна никогаш немаше да се случи. Шести октомври немаше да се случи. Седми октомври немаше да се случи. Тоа никогаш немаше да се случи. И потоа велите, зошто трае толку долго? Го слушаш ли ова, Стив? Војната беснее веќе три години. Тукушто пристигнав, а вие прашувате зошто трае толку долго?“.