Претседателскиот декрет на Трамп им наложува на федералните оддели и агенции „што е можно поскоро“ да го прекинат учеството и финансирањето на 31 ентитет на Обединетите нации и 35 организации кои не се дел од ОН
Администрацијата на Трамп ќе се повлече од десетици меѓународни организации, вклучувајќи ја агенцијата на ОН за население и договорот на ОН со кој се воспоставуваат меѓународни преговори за климата, бидејќи САД дополнително се повлекуваат од глобалната соработка, пишува „Асошиејтед прес“.
Според соопштението од Белата куќа, претседателот Доналд Трамп вчера потпишал извршна наредба со која се суспендира поддршката на САД за 66 организации, агенции и комисии, по прегледот на неговата администрација за учеството и финансирањето на сите меѓународни организации, вклучувајќи ги и оние поврзани со Обединетите нации.
Претседателскиот декрет на Трамп им наложува на федералните оддели и агенции „што е можно поскоро“ да го прекинат учеството и финансирањето на 31 ентитет на Обединетите нации и 35 организации кои не се дел од ОН.
AMERICA FIRST 🇺🇸
— The White House (@WhiteHouse) January 7, 2026
Today, President Donald J. Trump signed a Presidential Memorandum directing the withdrawal of the United States from 66 international organizations that no longer serve American interests including:
🔴35-non UN organizations
🔴31 UN entities pic.twitter.com/72pTyV811N
Многу од целите се агенции, комисии и советодавни панели поврзани со ОН кои се фокусираат на климата, трудот, миграцијата и други прашања што администрацијата на Трамп ги категоризира како иницијативи за разноликост и „разбудени“. Други организации надвор од ОН на листата се Партнерството за атлантска соработка, Меѓународниот институт за демократија и изборна помош и Глобалниот форум за борба против тероризмот.
„Претседателот Трамп го прекинува учеството на САД во меѓународни организации кои ја поткопуваат независноста на Америка и ги трошат парите на даночните обврзници на неефикасни или непријателски агенди“,
се вели во соопштението.
Државниот секретар на САД, Марко Рубио, на својот профил на Икс напиша дека Вашингтон се повлекува од она што го опиша како „антиамерикански, бескорисни или расипнички меѓународни организации“. Тој додаде дека продолжува прегледот на дополнителни меѓународни организации.
„Овие повлекувања го исполнуваат клучното ветување што претседателот Трамп им го даде на Американците – ќе престанеме да ги субвенционираме глобалистичките бирократи кои дејствуваат против нашите интереси. Администрацијата на Трамп секогаш ќе ги става Америка и Американците на прво место“,
додава Рубио.
Today, President Trump announced the U.S. is leaving 66 anti-American, useless, or wasteful international organizations. Review of additional international organizations remains ongoing.
— Secretary Marco Rubio (@SecRubio) January 8, 2026
These withdrawals keep a key promise President Trump made to Americans – we will stop…
Во наредбата на Трамп не се прецизира колку пари американската администрација очекува да заштеди со повлекувањата.