Според него, тоа би можело да биде добар состанок, посочувајќи дека тој иницирал таква средба да се случи
Американскиот претседател Доналд Трамп денеска од Белата куќа навести дека би можел да се приклучи на евентуална средба меѓу рускиот претседател Владимир Путин и украинскиот Володимир Зеленски, која е закажана за четврток во Турција, со посредство на турскиот претседател Реџеп Таип Ердоган, пренесува „Гардијан“.
Трамп рече оти верува дека состанокот има потенцијал да донесе резултати, но дека се уште не знае дали ќе патува лично.
„Не го потценувајте четвртокот во Турција. Претседателот Ердоган е одличен домаќин. Со него работиме и на прашањето за Сирија“,
рече тој.
Според него, тоа би можело да биде добар состанок, посочувајќи дека тој иницирал да се случи.
„Можеби ќе има добар резултат од средбата во четврток во Турција. Верувам дека двајцата лидери ќе бидат таму. Размислував да летам до тама. Не знам каде ќе бидам во четврток, бидејќи имам толку многу состаноци. Постои можност, претпоставувам дека нешто може да се случи“,
кажа Трамп.
"Thursday's meeting with Russia and Ukraine is very important. I think good things can come out of that meeting," President Trump said.
— Anton Gerashchenko (@Gerashchenko_en) May 12, 2025
Meanwhile, Putin still hasn't agreed to meet with President Zelenskyy.
Do you think Putin will go to Istanbul? pic.twitter.com/e6TP52TXhm
Засега нема официјална потврда од Белата куќа за негово заминување во Турција. Но, како што посочуваат странските медиуми, не е јасно дали Трамп е сериозен во врска со неговото присуство на тој состанок.
Досега само Зеленски го потврди своето присуство во Турција, досега Путин се уште јавно не соопшти дали ќе учествува на состанокот.
Рускиот претседател Владимир Путин предложи Русија и Украина да одржат директни преговори, без предуслови, на 15 мај во Истанбул.
Трамп и порача на Украина веднаш да ја прифати понудата на рускиот претседател.
Зеленски на социјалните мрежи рече дека ќе го чека Путин во Турција на 15 мај.