Белата куќа го дообјаснуваше претседателот на Соединетите Американски Држави, Доналд Трамп, по неговата изјава дека НАТО треба да се прошири на Блискиот Исток. Тој дури предложи и ребрендирање на 71 година стариот сојуз.
NATO + ME (Middle East). Колку убаво име. Мислам дека НАТО би требало да се прошири и треба да го вклучиме Блискиот Исток. Апсолутно.
изјави Трамп.
Но, од Белата куќа набрзо стигна појаснување дека претседателот Трамп не повикувал на прием на нови земји членки од Блискиот Исток, туку побарал НАТО да стори повеќе во регионот.