Во вторникот, Трамп нареди целосна блокада на сите санкционирани танкери за нафта што влегуваат и излегуваат од Венецуела, во најновиот потег на Вашингтон за зголемување на притисокот врз владата на Николас Мадуро, насочена кон нејзиниот главен извор на приходи
Американскиот претседател Доналд Трамп изјави дека ја остава отворена можноста за војна со Венецуела, според интервјуто за Ен-би-си објавено денеска.
„Не ја исклучувам“,
изјави тој за Ен-би-си њуз во телефонско интервју.
Трамп, исто така, рече дека ќе има дополнителни запленувања на танкери за нафта во близина на венецуелските води.
Во вторникот Трамп нареди целосна блокада на сите санкционирани танкери за нафта што влегуваат и излегуваат од Венецуела, во најновиот потег на Вашингтон за зголемување на притисокот врз владата на Николас Мадуро, насочена кон нејзиниот главен извор на приходи.
Трамп, исто така, во вторникот објави дека го означил режимот на венецуелскиот претседател Мадуро како странска терористичка организација.
Нафтата е главен извор на приходи на Каракас. Венецуела, која е предмет на ембарго од 2019 година, ја продава својата нафта на црниот пазар по значително пониски цени, особено на Кина.
Трамп претходно го обвини режимот на Мадуро дека користи нафта за финансирање на наркотероризам, трговија со луѓе, атентати и киднапирања.