Трамп, исто така, рече дека верува оти ситуацијата брзо ќе се смири и дека Иран сака да постигне договор
Американскиот претседател Доналд Трамп на состанок на кабинетот во Вашингтон изјави дека американските сили речиси целосно ги уништиле воените капацитети на Иран, но додаде дека дури и минимална закана во Ормускиот Теснец може да има сериозни последици.
„Проблемот со Ормускиот Теснец е следниов: ги победивме воено. Ги уништивме како војска. Немаат воздухопловни сили, немаат морнарица, им останаа многу малку ракети. Разнесовме толку многу. Тешко е да се произведат. Истото важи и за беспилотните летала. Раководството го нема“,
рече Трамп.
Тој додаде дека дури и речиси целосното уништување не е доволно.
„Да речеме дека одлично ја завршивме работата. Велиме дека сме ги погодиле 99 отсто. Еден процент е неприфатливо бидејќи еден процент е ракета што погодува брод што чини милијарда долари. Ако направиме уништување од 99 проценти, тоа не е добро“,
додаде Трамп.
President Trump on negotiations with Iran: “I mean, the problem with the issue of the Hormuz Straits is this: We've decimated them as a military. No air force, no navy, very few rockets left. We blew up so many. Hard to manufacture them. Same thing with drones. The leadership is… pic.twitter.com/xlanOyTM8L
— OSINTdefender (@sentdefender) March 26, 2026
Трамп, исто така, рече дека верува оти ситуацијата брзо ќе се смири и дека Иран сака да постигне договор.
„Имам чувство дека ќе се реши мошне брзо. Тие сакаат да постигнат договор. Можеби им наштетив на преговорите со ова, но вчера тврдеа дека не преговараме, а сега признаваат дека преговараме“,
рече тој.
Според него, причината зошто тие сакаат договор е тоа што „едноставно се претепани“.
Американскиот претседател Трамп вели дека лидерите на Иран не сакаат да признаат дека преговараат со Соединетите Американски Држави (САД) бидејќи се плашат да не бидат убиени од сопствениот народ, пренесе Би-би-си.
Говорејќи на вечера со републиканските членови на Конгресот, Трамп истакна дека Техеран, според неговите сознанија, всушност сака да постигне договор, но дека преговарачите се плашат да го признаат отворено тоа.
Министерот за надворешни работи на Иран, Абас Аракчи, во интервју за иранскиот државен телевизиски канал изјави дека Техеран го разгледува планот на САД за прекин на заливската војна, но тоа не значи дека се водат разговори.
Аракчи, исто така, вели дека политиката на Иран засега е да продолжи да се брани и дека тие засега немаат намера да преговараат.
Иран претходно издаде пет услови за завршување на војната кои, како што изјави ирански функционер за државните медиуми, вклучуваат завршување на конфликтот на сите фронтови и исплата на репарации.
Изјавата дојде откако медиумите претходно објавија дека Иран добил од САД план од 15 точки, од кои првите пет, според информациите, се однесуваат на нуклеарниот сектор.
Денеска висок ирански функционер за Ројтерс изјави дека Иран го смета мировниот предлог на САД за „едностран и неправеден“ и дека може да се постигне напредок само доколку реалноста преовлада во Вашингтон.
Иран го пренесе својот став до САД преку посредникот Пакистан, а функционерот рече дека предлогот бил детално разгледан синоќа од високи ирански функционери и претставник на врховниот лидер на Иран.