Тој посочи дека изгледа ќе ги испрати своите адвокати да го тужат, како што рече, овој кутар, патетичен, неталентиран водител за многу пари
Американскиот претседател Доналд Трамп денеска најави дека ќе го тужи водителот на доделувањето на наградите „Греми“, Тревор Ноа, за кого рече дека изнел невистина дека тој и поранешниот американски претседател Бил Клинтон поминувале време на островот на покојниот осуден сексуален престапник Џефри Епстин.
„Ноа рече, неточно за мене, дека Доналд Трамп и Бил Клинтон поминувале време на островот на Епстин. Погрешно! Не можам да зборувам во името на Бил, но никогаш не сум бил на островот на Епстин, ниту каде било во близина, и до вечерашната лажна и клеветничка изјава, никогаш не ме обвинувале дека сум бил таму, дури ни медиумите кои инаку објавуваат лажни вести“,
напиша Трамп во објава на неговата социјална мрежа Трут сошал.
Тој посочи дека изгледа ќе ги испрати своите адвокати да го тужат, како што рече, овој кутар, патетичен, неталентиран водител за многу пари.
„Доделувањата на ‘Греми’ наградите се најлоши, практично не се за гледање! Си-би-ес има среќа што ова ѓубре веќе не им е во етерот. Водителот, Тревор Ноа, кој и да е, е речиси подеднакво лош како Џими Кимел на доделувањето на ‘Оскарите’ за филмови со ниска гледаност. Ноа, тотален губитник, подобро да ги среди фактите, и тоа брзо. Изгледа дека ќе ги испратам моите адвокати да го тужат овој кутар, патетичен, без талент, глупак и да го тужат за многу пари. Подготви се, Ноа, малку ќе се забавувам со тебе“,
напиша Трамп.