Американскиот претседател изјави и дека постигнал договор со Индонезија, според кој, индонезиските стоки што влегуваат во САД ќе се соочат со царини од 19 проценти
Американскиот претседател Доналд Трамп изјави дека планира да воведе увозни царини од над 10 проценти за помалите земји, вклучувајќи ги земјите во Африка и Карибите.
„Веројатно ќе поставиме една тарифа за сите нив“,
изјави Трамп, предлагајќи фиксна стапка малку над 10 отсто за стоки од најмалку 100 земји.
Се очекува царините да стапат во сила од 1 август.
Секретарот за трговија на САД, Хауард Лутник, истакна дека земјите чии стоки ќе се оданочуваат по овие стапки ќе бидат во Африка и Карибите, места кои генерално имаат релативно скромни нивоа на трговија со Соединетите Држави и би биле релативно незначителни за исполнување на целите на Трамп за намалување на трговските нерамнотежи со остатокот од светот.
Американскиот претседател изјави и дека постигнал договор со Индонезија, според кој, индонезиските стоки што влегуваат во САД ќе се соочат со царини од 19 проценти.
Трамп веќе испрати писма до околу дваесетина земји и до Европската Унија, во кои ги наведува царинските стапки што ќе почнат да се воведуваат од следниот месец.