Трамп има долгогодишен затегнат однос со НАТО. За време на неговиот прв мандат како претседател, тој постојано ја критикуваше алијансата, тврдејќи дека членките не го плаќаат својот фер дел за одбрана и се закануваше дека ќе ги повлече САД од НАТО доколку сојузниците не ги зголемат своите воени трошоци
Американскиот претседател Доналд Трамп ќе присуствува на самитот на НАТО подоцна овој месец, изјави портпаролката на Белата куќа Каролина Ливит.
Самитот на НАТО ќе се одржи во Хаг, Холандија, на 24 и 25 јуни.
Од почетокот на неговиот втор мандат, Трамп е неуморен во барањето членките на НАТО значително да ги зголемат своите трошоци за одбрана.
Трамп има долгогодишен затегнат однос со НАТО. За време на неговиот прв мандат како претседател, тој постојано ја критикуваше алијансата, тврдејќи дека членките не го плаќаат својот фер дел за одбрана и се закануваше дека ќе ги повлече САД од НАТО доколку сојузниците не ги зголемат своите воени трошоци.
Во февруари 2024 година, како актуелен претседателски кандидат, тој повторно предизвика контроверзи велејќи дека нема да ги брани членките на НАТО кои не ги исполнуваат своите финансиски обврски, туку дури и ќе ја охрабри Русија да прави што сака.
Овие изјави предизвикаа загриженост кај европските партнери и ја доведоа во прашање долгорочната безбедносна посветеност на Соединетите Американски Држави кон Алијансата. Оваа година, тој рече дека уделот на трошоците за одбрана по членка треба да биде до 5 проценти.