Кук, која во 2022 година беше номинирана од Џо Бајден и стана првата Афроамериканка во Управниот одбор на Федералните резерви обвини за политички притисок врз независноста на институцијата
Претседателот на САД, Доналд Трамп ја отстрани гувернерката на Федералните резерви (ФЕД), Лиса Кук, обвинувајќи ја за хипотекарна измама и фалсификување банкарски документи. Во писмото упатено до Кук, Трамп наведува дека постојат доволно докази за нејзино спорно финансиско однесување и дека тоа ја доведува во прашање нејзината компетентност и интегритет како финансиски регулатор. Според него, нејзиното отстранување било неопходно за владеењето на правото.
„Не може да има компромис кога станува збор за владеењето на правото. Доказите се доволни и јасно укажуваат дека г-ѓа Кук ја злоупотребила довербата во една од најважните институции во државата“,
се вели во писмото на Трамп.
Федералната агенција за финансирање на домувањето претходно доставила пријава до Министерството за правда, тврдејќи дека Кук дала лажни податоци во хипотекарни договори за да добие поволни услови.
Кук остро возврати на потегот на претседателот, нарекувајќи го незаконски, а нејзиниот адвокат најави судска постапка бидејќи како што кажа, нејзиното отстранување од позицијата е нелегален и неоснован обид за дискредитација и оти таа ќе ги брани своите права до крајот на процесот.
„Претседателот нема уставно право да отпушта гувернер на ФЕД. Ова е обид за политички притисок врз независноста на институцијата, но јас нема да се повлечам. Ќе продолжам да ја вршам својата работа“,
рече Кук.
Мандатот на Лиса Кук трае до 2038 година, а случајот отвори правна и институционална битка околу независноста на Федералните резерви. Кук на оваа позиција беше номинирана во 2022 година од страна на поранешниот претседател Џо Бајден и стана првата Афроамериканка во Управниот одбор на ФЕД.