Во својата порака, Трамп ги обвини соработниците на тогашниот претседател за нелегални дејствија и му се закани на Бајден со обвиненија за лажно сведочење
Американскиот претседател Доналд Трамп објави дека ги поништува сите документи потпишани од неговиот претходник Џо Бајден со помош на автопен – уред за автоматско потпишување. Трамп вели дека ова се дури 92 проценти од ваквите документи, а својот проглас го објави на социјалната мрежа Трут соушал.
Во својата порака, Трамп ги обвини соработниците на тогашниот претседател за нелегални дејствија и му се закани на Бајден со обвиненија за лажно сведочење.
„Секој документ потпишан од поспаниот Џо Бајден со автопен, што е приближно 92 отсто од нив, со ова се поништува и нема понатамошна сила или ефект. Автопенот не може да се користи освен ако не е посебно овластен од претседателот на САД“,
пишува Трамп.
Во објавата Трамп вели дека ги поништува сите извршни наредби и сè друго што не е директно потпишано од Џо Бајден, додавајќи дека луѓето што го управувале автопенот го сториле тоа нелегално.
„Џо Бајден не беше вклучен во процесот на автопен и, ако каже дека бил, ќе биде обвинет за лажно сведочење“,
додаваТрамп.
Трамп во друга објава напиша дека сака „трајно да ја запре миграцијата“ од посиромашните земји и вети дека ќе се обиде да протера милиони имигранти од САД.
Во објавата Трамп рече дека сака „целосно да го растовари“ американскиот систем, но не прецизираше кои земји ќе бидат опфатени со тоа ограничување.
Трамп изјави дека ќе ги прекине „милионските“ приеми од времето на администрацијата на поранешниот американски претседател Џозеф Бајден и дека ќе ги депортира сите странски државјани за кои вели дека се јавен товар, безбедносен ризик или некомпатибилен со западната цивилизација.
Ова е најострата изјава на Трамп за мигрантите откако тој повторно стана претседател во јануари оваа година, а повод е нападот врз припадници на Националната гарда на САД во Вашингтон пред два дена.
Двајца гардисти беа застрелани од авганистанскиот државјанин Рахманула Лаканвал, една гардистка им подлегна на повредите, а другиот гардист сè уште е во критична состојба.
На видео снимката од нападот што ја прегледале истражителите, се гледа како Лаканвал пука во гардистите, соопшти локалната полиција.
Полицијата додава дека Лаканвал веднаш бил приведен, како и дека веруваат дека тој бил единствениот напаѓач.
Лаканвал исто така бил ранет при апсењето, но неговите повреди не се опасни по живот.