Американскиот претседател информира дека испораката на ракетните системи за воздушна одбрана „Патриот“ се врши од Германија
Американскиот претседател Доналд Трамп изјави дека дел од ракетните системи за воздушна одбрана „Патриот“ се веќе на пат кон Украина, Неговата изјава следува еден ден откако објави дека членките на НАТО ќе испратат оружје во Киев, менувајќи го своето претходно противење на испраќањето американско оружје во Украина.
„Веќе се испраќаат од Германија, а потоа Германија ги надоместува резервите“,
изјави Трамп, одговарајќи на новинарски прашања.
Испораката на оружје за Украина доаѓа во момент на засилени руски напади врз украинските градови, поради што Киев побара дополнителни системи за воздушна одбрана, особено од САД
Германскиот министер за одбрана Борис Писториус изјави дека два системи за воздушна одбрана „Патриот“ се подготвуваат за испорака во Украина. Посочи дека Германија ќе ги сноси трошоците за нивна испорака, додавајќи дека техничките, логистичките и финансиските детали сè уште не се разјаснети.
„Овие детали изгледаат како да се решливи за двете страни, па затоа брзо се движиме кон имплементација“,
додаде германскиот министер за одбрана, нагласувајќи дека на Украина итно ѝ е потребна дополнителна воздушна одбрана.
Новите пратки оружје се испраќаат во Украина два дена откако Трамп ѝ постави ултиматум на Москва, предупредувајќи дека САД ќе воведат строги царини ако Русија не се согласи на мировен договор во рок од 50 дена.