Во Македонија народот не сака уставни измени под бугарски диктат, не сака газење на националното достоинство, но народот најмногу сака да дојде крај на сиромаштијата, крај на корупцијата и криминалот, вели Томовски
Тимови на ВМРО-ДПМНЕ изминатите шест недели во акцијата „Ова е Македонија за сите“ направиле 6 428 извештаи и забележале 18 324 проблеми.
Акцијата, како што велат од партијата, е спроведена во 709 населени места во државата и тоа од најразлични краеви, почнувајќи од големите населени места, па сè до најмалку населените.
„Во Македонија народот не сака уставни измени под бугарски диктат, не сака газење на националното достоинство, но народот најмногу сака да дојде крај на сиромаштијата, крај на корупцијата и криминалот“,
вели Ивица Томовски, член на Централниот комитет на ВМРО-ДПМНЕ.
Генералниот заклучок, според Томовски, е дека најголемата грижа на граѓаните е тешкиот живот, инфлацијата, несигурноста и неизвесноста за иднината. Народот, како што рече, е револтиран зашто е заборавен од власта, затоа што владата не ги слуша проблемите на народот.
„Зборувавме со илјадници граѓани, беа забележани многу проблеми, а решенијата за сето ова ќе бидат дел од новата програма на ВМРО-ДПМНЕ. Покажавме и докажавме дека секогаш сме и ќе бидеме дел од народот и дека имаме капацитет да ги промениме работите“,
додава Томовски.