Починати се тројца пациенти, што е намалување на смртните случаи во споредба со вчера кога починаа девет лица
Ковид-центарот во тетовската болница до утрово до 7 часот бележи стабилизирање на состојбата со оглед дека има помалку примени и починати луѓе, пренесува МИА.
Во болница на лекување примени се нови 11 луѓе, за разлика од вчера кога беа 18 примени пациенти. Шестмина пациенти се пуштени на домашно лекување. Починати се тројца пациенти, што е намалување на смртните случаи во споредба со вчера кога починаа девет лица.
„Има тројца починати пациенти, а 11 нови примени на болничко лекување, додека шестмина се пуштени дома. Вкупно хоспитализирано има 125 лица од кои 12 имале една доза вакцина, а петмина се вакцинирале со двете дози. На кислородна поддршка има 121 од 125 лица“,
информираше д-р Гзим Нуредини, координатор во тетовскиот ковид-центар.
За 24 часа во амбулантите на ковид-центарот за прегледи и контроли се обратиле вкупно 228 лица.