Дваесетгодишен тетовец е приведен бидејќи одбивал да се легитимира на барање на полициски службеници, а подоцна се обидел и да ги прегази со автомобил.
Како што информира портпаролот на СВР Тетово, Марјан Јосифовски, вчера во 21:50 часот, на улица „Михајло Рајчевиќ“ во Тетово, полициски службеници на СВР Тетово го привеле 20-годишниот тетовец А.М., кој дваесетина минути пред тоа одбил да се легитимира и се однесувал агресивно кон нив на улицата „Борис Кидрич“.
„Таму бил паркиран со неговото патничко моторно возило ‘фолксфаген пасат’ со тетовски регистарски ознаки. Во еден момент тој го стартувал возилото и се обидел да ги прегази полициските службеници“,
вели Јосифовски.
Се преземаат мерки за целосно расчистување и документирање на случајот.