Тетовската полиција соопшти дека вчера во 20 часот и 20 минути на улица „107“ во Тетово полицајци лишиле од слобода жител на Долно Седларце, затоа што при преглед му биле пронајдена ризла. Пред лишувањето од слобода, според полицијата, тој успеал да проголта кесичка со марихуана.
Два часа подоцна приведени се уште две лица поради поседување кокаин.
„Во 22 часот и 40 минути, во угостителски објект на улица ‘Илинденска’ во Тетово, полициски службеници на СВР Тетово ги лишиле од слобода М.Т. (46) од Тетово и 38-годишната И.М. од Куманово, кај која бил пронајден хероин, додека во санитарниот јазол на објектот биле пронајдени остатоци од кокаин“,
соопшти СВР-Тетово.
Двајцата се задржани во полициската станица во Тетово за расчистување и документирање на случајот, по што ќе им бидат изготвени соодветни поднесоци.