Повредените се пренесени во штипската Клиничка болница. Шестмина пожарникари учествувале во акцијата за извлекување на повредените од камионот, кој превезувал жито
Едно лице загина во тешка сообраќајна несреќа што се случи на експресниот пат Штип – Кочани во близина на клучката кај Крупиште. Портапролот на СВР – Штип, Гордана Панајотова, во изјава за МИА потврдила дека сообраќајната несреќа се случила околу 13:00 часот меѓу две товарни возила со беровски и скопски регистарски таблички.
На лице место починал 62-годишен возач од Велес кој управувал со пикап-возило со скопски регистарски таблички.
Командирот на ТППЕ-Штип, Дарко Коцев, за МИА изјавил дека биле повикани во 13:30 часот и учествувале во извлекување на повредени во камионот со беровски регистарски таблички, а во него имало возач и сопатник.
Повредените се пренесени во штипската Клиничка болница. Шестмина пожарникари учествувале во акцијата за извлекување на повредените од камионот, кој превезувал жито.
Портпаролот на СВР-Штип, Панајотова, информира дека увидот од страна на полицијата и обвинител сè уште трае, а сообраќајот на експресниот пат Штип – Кочани е во прекин. Полициски службеници го пренасочуваат по стариот регионален пат.