Од семејната куќа каде што е извршено едно од убиствата и самоубиството на напаѓачот се земени траги и докази што ќе бидат предмет на вештачење
Доцна вечерва заврши увидот што јавен обвинител од велешкото јавно обвинителство го изврши по двојното убиство и самоубиство во центарот на Велес. Од семејната куќа каде што е извршено едно од убиствата и самоубиството на напаѓачот се земени траги и докази што ќе бидат предмет на вештачење.
Tелата на починатите ќе бидат дадени на обдукција.
Во врска со двојното убиство и самоубиство во Велес, претходно денеска информира МВР. Оттаму соопштија дека се убиени 31-годишна жена и нејзиниот татко на возраст од 68 години. Според првичните информации, убиствата ги сторил поранешниот партнер на жената, кој по злочинот се самоубил во нивната семејна куќа.
Триесет и деветгодишниот скопјанец со остар предмет ја усмртил жената на улицата „Кочо Рацин“ во Велес, а нејзиниот татко во семејната куќа на истата улица, каде што потоа и се самоубил.