Таравари ги повика институциите да се воздржат од изјави кои водат кон дополнителни тензии
Треба да се дејствува смирено и да се намалат тензиите во односите меѓу Северна Македонија и Бугарија, коишто ескалираа по несаканите инциденти во Охрид. Ова денеска на Твитер го објави претседателот на Алијанса за Албанците, Арбен Таравари.
Таравари, нагласувајќи дека овие настани се следат со големо внимание и загриженост, ги повика институциите да се воздржат од изјави кои водат кон дополнителни тензии.
„Вознемирен од зголемувањето на политичките тензии меѓу Северна Македонија и Бугарија, ги повикувам нашите институции да се воздржат од изјави коишто водат кон дополнителни тензии и да се ангажираат конструктивно да придонесат во спроведувањето на договорот за добрососедство и европската интеграција на земјата“,
пишува Таравари.
Concerned about rising political tensions between ??-??. I call on our institutions to refrain from statements that lead to further tensions and to engage in a constructive way that contributes to the implementation of the agreement on good-neighbourliness and ?? integration. pic.twitter.com/wqwdtJvuCe
— Arben Taravari (@TaravariArben) January 27, 2023