Оставка треба да поднесе целата влада, а до изборот на нов премиер државата ќе функционира со технички мандат на чело со досегашниот заменик-премиер Фумтам Вечајачај
Премиерката на Тајланд, Паетонгтарн Шинаватра, по една година на функцијата е принудена да поднесе оставка по пресуда на Уставниот суд.
Според Судот, 39-годишната Шинаватра ги прекршила етичките принципи во телефонски разговор што „протече“ во јавноста и ја суспендира уште во јули.
Со неа мора да поднесе оставка и целата влада, која до избор на нов премиер ќе продолжи да работи со технички мандат.
Дотогаш функцијата ќе ја извршува заменик-премиерот Фумтам Вечајачај.
Не е извесно дали новиот премиер повторно ќе дојде од редовите на партијата Пхеу Тај, која ја предводи Шинаватра.
Случајот по кој Уставниот суд донесе пресуда се однесува на разговор меѓу Шинаватра и поранешниот лидер на Камбоџа и актуелен претседател на Сенатот, Хун Сен.
Во разговорот, Шинаватра нарекла висок воен офицер „противник“, а Хун Сен близок пријател на нејзиното семејство и го ословила со „вујко“.
По протечената аудиоснимка имаше силни реакции и протести во Тајланд.