СЗО: Поминавме околу 60 отсто од патот во борбата со коронавирусот

Главниот истражувач во СЗО повика на зголемување на стапката на вакцинација за да се заштити населението од инфекција и да се спречат понатамошни мутации

Човештвото мина околу 60 отсто од патот на борбата против коронавирусот, но неочекувани пречки се уште може да се појават, вели Сума Сваминатан, главен истражувач во Светската здравствена организација, во интервју за швајцарскиот весник „Зонтагс Блик“.

„Се надевам дека наскоро ќе поминеме 60 отсто од патот. Но, можеби ќе треба да се искачиме на друга неочекувана планина“,

вели претставничката на Организацијата.

Таа нагласи дека е премногу рано да се зборува за претстојно завршување на „маратонот“ во борбата против пандемијата, бидејќи се уште не е познато какви други пречки може да се појават.

„Ненадејното појавување на нови варијанти на вирусот е еден од многуте настани во пандемијата што неправат понизни“,

објасни Сваминанатан.

Претставничката на СЗО повика на зголемување на стапката на вакцинација за да се заштити населението од инфекција и да се спречат понатамошни мутации.

Ковид во бројки: Каде има најмногу заразени и починати во светот?

Според организацијата, повеќе од 236 милиони луѓе биле заразени од почетокот на пандемијата во светот, а од инфекцијата починаа 4,8 милиони луѓе. Според СЗО, во моментов најтешка е ситуацијата во САД, Индија и Бразил.

Фаучи со оптимистичко предвидување: Бројот на смртни случаи од ковид во САД ќе се намали оваа зима