На видеото што го објави Свечла, се гледа и косовскиот министер за локална самоуправа, Елберт Красниќи, кој рече „од денеска конечно се затворени 28 паралелни криминални српски општини во Косово“
Косовскиот министер за внатрешни работи Џелал Свечла објави дека од утрово во Косово се затворени сите паралелни институции поврзани со Србија, пренесуваат косовските медиуми.
Информацијата Свечла ја објави и на својот фејсбук-профил потврдувајќи дека се затворени сите паралелни институции поврзани со Србија што функционираат во Косово.
Полициски дејствија, според Свечла, се преземени во општините Липјан, Обилиќ, Приштина, Фуше Косово, Вуштри, Ново Брдо, Каменица, Вити, Раховец и Скендерај.
„Со оваа акција се става крај на ерата на српските паралелни и криминални општини и институции во Република Косово“,
кажа тој.
На видеото што го објави Свечла се гледа и косовскиот министер за локална самоуправа Елберт Красниќи, кој рече: „од денеска конечно се затворени 28 паралелни криминални српски општини на Косово“.
Властите во Косово велат дека работата на овие српски институции, кои функционираат од повоениот период во 1999 година, е „незаконска“.
Во градовите и населените места каде што живее српската заедница на Косово, функционираат општини, компании, градинки, основни и средни училишта и јавни универзитети, кои беа директно финансисрани од српската влада, а кои според законските закони беа третирани како незаконски.
Косовската полиција на 8 јануари ја затвори Даночната управа во Северна Митровица, која работеше во српскиот систем, поради „незаконски активности“, како и осигурителната компанија од Србија – „Дунав осигурување“ поради сомнение дека работи без лиценца.
Косово почна да ги затвора српските институции уште во јануари 2024 година прво затворајќи ги привремените општински тела во Драгаш, Сува Река, Призрен и Раховец, сите лоцирани јужно од реката Ибар.
Тогаш беа затворени привремените општински тела во Пеќ, Исток, Клина, Скендерај, како и оние во општините на север: Северна Митровица, Звечан, Зубин Поток и Лепосавиќ.
Затворени се и филијалите на Српската пошта во северно Косово, седиштето на Народната банка на Србија во Лепосавиќ, Поштенската штедилница, Канцеларијата на Владата на Србија за Косово, Дирекцијата на Фондот за пензиско и инвалидско осигурување, Управниот округ Косово-Митровица и Центарот за социјална работа во Вучитрн.
Сите овие институции со илјадници вработени функционираа во рамките на српскиот систем.