Судот во Стразбур го одби барањето на адвокатите на Камчев за домашен притвор и кардиолошки преглед

Владиниот агент на Бирото за застапување на државата пред ЕСЧП, Даница Џонова, во изјава за МИА, потврди дека е одбиено барањето за времена мерка против државата во случајот со бизнисменот кој е во притвор

Европскиот суд за човекови права (ЕСЧП) во Стразбур го одби барањето на адвокатскиот тим на бизнисменот Орце Камчев на државата да и се изрече времена мерка со која тој ќе биде во домашен притвор и ќе му биде извршен медицински преглед од кардиолог поради неговата влошена здравствена состојба.

Ова всушност значи дека ЕСЧП одбил да и наложи на државата да го пушти Камчев во домашен притвор и да му бидат извршени прегледи од кардиолог, јави МИА.

Бугарската амбасада бара средба со Камчев во Шутка

Владиниот агент на Бирото за застапување на државата пред ЕСЧП, Даница Џонова, во изјава за МИА, потврди дека барањето за времена мерка против државата за Камчев е одбиено.

Адвокатскиот тим на Камчев, претходно во неколку наврати алармираше дека имаат медицински белешки од кардиолози од земјава и странство, кои укажуваат дека тој спаѓа во група на пациенти со висок ризик од смрт поради кардиоваскуларни проблеми. Врз основа на тие белешки, одбраната на Камчев, го поднела и барање пред ЕСЧП.

Камчев веќе неколку месеци е во притвор како обвинет во случајот „Плацеви“ на Водно“, кој се наоѓа во доказна постапка.

Камчев бара судот да му одреди банкарска гаранција или кауција со која би се бранел од слобода или од домашен притвор