Адвокатите на првообвинетиот Д.К. побараа укинување на притворот, што судот го одби
Обвинителството на минатото рочиште пред еден месец тврдеше дека ќе докаже вина кај креаторот и администраторот на групата
Одбраната на првообвинетиот во случајот „Јавна соба“ Д.К. во денешните воведни зборови рече дека во овој случај не постои ниту сторител на кривичното дело, ниту жртва и побара да му биде укината мерката притвор поради семејни причини.
Судот го одби барањето, со образложение дека постои опасност од бегство.
„Немаме ниту сторител, ниту дејствие, ниту со сторување или со несторување, ниту жртва. Обвинителството не достави ниту еден доказ да го потврди ова дело“,
рекоа адвокатите.
Пред околу еден месец, на рочиштето на кое воведни зборови имаше обвинителот Владимир Милошевски, рече дека обвинетите за производство и дистрибуција на детска порнографија во предметот „Јавна соба“ која е истоимена група која била отворена и користена од повеќе членови преку социјалната мрежа Телеграф, со умисла дозволиле да се направи достапна на членовите на групата содржина со аудио и видео материјал во кој се прикажани полови дејствија со дете.
За предметот „Јавна соба“ во кој се обвинети Д.К. (32) и М.П. (22), првиот како основач и администратор на групата, а второобвинетиот како администратор и модератор на групата кои, според обвинителот, биле должни да се грижат за содржината на текстуалните, визуелните и аудуовизулените соидржини прикачувани од членовите на групата.
Скандалот со “Јавна соба“ беше обелоденет минатата година кога фотографии и видеа со девојки, од кои некои малолетни, се споделуваа во групатата на социјалната мрежа Телеграм.
Групата беше затворена. За овој случај беше организиран и протест, а донесени се законски измени на Кривичниот законик со кои се предвидува ново кривично дело „Демнење“ и кое носи строги санкции за вознемирување и преку интернет.
Според обвинението, во периодот од 19 декември 2019 година до 28 јануари 2020 година, двајцата обвинети, како основач и модератор на групата „Јавна соба“ на социјалната мрежа Телеграм, биле должни да се грижат за содржината на текстуалните и аудио-визуелните содржини кои се споделуваат од членовите на групата. Но, тие со умисла дозволиле на групата да се направи достапна содржина на кој се прикажани очигледни полови дејствија со дете.
Следното рочиште за “Јавна соба“ е закажано за 16 септември.