Според предлог-законот, таа смета оти зголемувањето на минималната плата ќе зависи само од Економско-социјалниот совет, но побара во преговорите да бидат вклучени и експерти, а истовремено јасно да се дефинира сумата, а не процент како што е сега во Законот за минална плата. Воедно, категорично додаде и оти ново субвенционирање на приватниот сектор со државни пари, не смее да има
Предлог-законот за изменување на Законот за минимална плата не нуди системски решенија, туку само се маскира состојбата, оцени на денешната прес-конференција, Кристина Ампева од невладината „Гласен Текстилец“.
Според предлог-законот, таа смета оти зголемувањето на минималната плата ќе зависи само од Економско-социјалниот совет, но побара во преговорите да бидат вклучени и експерти, а истовремено јасно да се дефинира сумата, а не процент како што е сега во законот за минална плата.
„Дали ова значи дека усогласувањето и покачувањето на минималната плата ќе зависи од трипартитниот дијалог што се води изминатиот период. Дали значи дека зголемувањето на платата ќе зависи од Синдикатот, Организација на работодавачи и Владата, треба да има позитивен одговор од сите, па ние да имаме покачување на минимална плата“,
вели Ампева.
Ампева смета дека покачувањето на минималната плата без реални решенија би можело повторно да ги врати злоупотребите од страна на работодавците, на тој начин што работниците би им ја враќале дел од платата во плик. Таа категорично додава и оти ново субвенционирање на приватниот сектор со државни пари, не смее да има.
„Тоа го увидовме како проблем и во 2017 година кога имаше субвенционирање во тогашната минимална плата, видовме дека беа злоупотребени државните пари. Истото го видовме и во сетовите на мерки за помош во корона кризата кога државниот буџет повторно беше злоупотребен. Државниот буџет е народен, ние таму плаќаме придонеси и даноци. Не може да се делат пари на фирми кои ги злоупотребуваат тие пари. Тоа не е решение! Не е долгорочно,тоа е само маска“,
рече Ампева.
Ампева на денешната прес-конференција реагираше и на најавата за ослободување од даноци на ИТ секторот. Таа смета оти е невозможно најбогатата индустрија да биде ослободена од оданочување, кога имаме конкретни индустриски гранки на кои им треба сериозна помош.