Оттаму посочуваат дека за управата на факултетот е вистински предизвик да ги смести сите запишани студенти бидејќи, како што додаваат, со запишани над 5 000 студенти, ФИНКИ е најброен факултет во државата
Согласно одлуката на декaнатската управа на Факултетот за информатички науки и компјутерско инженерство, денеска напладне студентите и раководството на ФИНКИ ќе излезат на мирен протест пред Владата поради, како што се наведува, укажување на власта за потребата од подобрување на условите за студирање на факултетот.
Оттаму посочуваат дека за управата на факултетот е вистински предизвик да ги смести сите запишани студенти бидејќи, како што додаваат, со запишани над 5 000 студенти, ФИНКИ е најброен факултет во државата.
Поддршка за протестот на ФИНКИ најави неформалната организација Студентска револуција.
„Како неформална организација го поддржуваме протестот на ФСС ФИНКИ и УСС пред Владата. Воедно ја користиме оваа прилика да ве повикаме сите студенти, професори, вработени на УКИМ заедно да излеземе пред Владата со едно прашање – ‘Како преку вештачката интелигенција да дојдеме до ‘таа’ зграда на ФИНКИ?’“,
велат од неформалната организација Студентска револуција.
Управата на ФИНКИ на седницата одржана на 18 март донесе заклучоци со кои побара Владата на наредната седница да донесе одлука за давање на времено или трајно користење, без надомест, на објектот кој се наоѓа на КП бр. 1856, КО Карпош, ИЛ бр. 47924, согласно барањето испратено од Факултетот до Владата на 19 мај 2023 година. Факултетот бара Владата да го задолжи МОН во рок од три месеци да обезбеди простор и да изврши релокација на Бирото за развој на образование, како орган на државна управа во состав на Министерството.