Струмичките угостиители засега се единствените кои преземаат вакви мерки, иако сите угостители, од сите делови на земјата реагираа дека објектите им се празни и работењето е неисплатливо поради новите мерки кои стапија на сила на 16 август
Угостителите од Струмица од вторник секој ден по два часа ќе ги бокираат улиците и приодите во град во знак на незадоволство поради новите мерки кои беа донесени деновиве.
„Од вторник од 11:00 часот до 13:00 часот, секој ден во знак на незадоволство ќе настапиме со блокирање на улиците во Струмица како и влезовите на градот. Ги бараме повторно претходните мерки за слободен влез на невакцинирани и вакцинирани, бидејќи со моменталните мерки се создава само поделба на граѓаните. Ние не сме тие што ја шириме короната и затоа бараме Владата да го прифати нашето барање“,
велат од Угостителското здружение од Струмица и најавуваат дека ако не им се исполни барањето ќе одат и со поостри мерки.
Посочуваат дека во овие години трпат најголеми последици од кризата, и дека е време Владата да донесе нови мерки кои ќе бидат и во нивна корист.
Струмичките угостиители засега се единствените кои преземаат вакви мерки, иако сите угостители, од сите делови на земјата реагираа дека објектите им се празни и работењето е неисплатливо поради новите мерки кои стапија на сила на 16 август.
Министерот за економија Крешник Бектеши на 8 авгууст, ден откако беа најавени мерките, имаше средба со различни претставници од угостителскиот сектор. Според соопштението тие се согасиле на мерките.