Северна Македонија и Словенија почнуваат стратешко партнерство во одбраната, а првиот фокус ќе биде техничка и материјална поддршка на домашниот противпожарен систем. Ова било договорено на денешната средба меѓу министрите за одбрана на Северна Македонија, Радмила Шекеринска, и на Словенија, Матеј Тонин.
„Детално разговарвме и за пожарите. Во владата донесовме одлука дека на системот му требаат реформи кои ќе ги води Министерството за одбрана а акцентот ќе биде ставен на опременоста и на обуките. Со колегата Тонин денес договоривме соработка на тоа поле бидејќи Словенија има огромно искуство и позитивни резултати во противпожарната заштита. Сакам да ја искажам благодарноста до Вас и до народот во Словенија што ни пруживте помош кога ни беше најпотребна“,
рекла Шекеринска на состанокот што се одржа во Охрид.
Двајцата министри зборувале и за ситуацијата во Авганистан и за вчерашниот терористички напад на аеродромот во Кабул. И Шекеринска и Тонин го осудија настанот како неоправдано, неразбириливо и неприфгатливо насилство.
„Како двајца министри на земји-членки, состанокот го започнавме со нашата длабока загриженост и силна осуда на она што вчера се случи во Кабул, во Авганистан, во нападите во кои животите ги изгубија и војници и цивили. И сакаме ова неоправдано, неразбирливо, неприфатливо насилство силно да го осудиме и да кажеме дека и како членки на НАТО силно ќе се спротивставиме на ваквиот развој на настаните во Авганистан“,
изјави министерката Шекеринска.
„Сите тие смртни жртви се непотребни, резултат се на кукавичлук и терор. Тоа значи дека во сојузот на НАТО мораме да се спротивствавиме на таков вид работи. Сигурно е лекцијата од Авганистан е поучна, сигурен сум дека сојузот ќе извлече добри лекции и во иднина сојузот ќе биде помоќен“,
рече словенечниот министер Тонин.