Стотици летови се откажани во САД поради заразен персонал со омикрон

Од две авионски компании соопштија дека во текот на неделата е регистриран пораст на бројот на заразени низ САД, што влијаело и на персоналот и затоа мора да ги откажат летовите

Американските авиокомпании „Јунајтед ерлајнс“ и „Делта ерлајнс“ објавија дека откажале десетици летови за време на божиќните празници, поради ширењет на омикрон сојот меѓу персоналот.

„Јунајтед ерлајнс“ ги откажа 120-те летови планирани за денеска, а „Делта“ околу 90. Двете компании соопштија дека ги известиле патниците за да не останат блокирани на аеродромите.

Во соопштението на „Јунајтед ерлајнс“ се наведува дека во текот на неделата е регистриран пораст на бројот на заразени низ САД, што влијаело и на персоналот и затоа мора да ги откажат летовите.

Омикрон стана доминантен во САД – 73 отсто од новите заразени минатата недела се со овој сој

Од „Делта“ истакнуваат дека пред откажувањето на летовите ги разгледале сите други опции и ресурси, вклучително и пренасочување на летовите и замена на авиони и персонал за покривање на летовите.