Стејт Департмент: Нема преговори со Русија додека траат воените дејства

За да дојде до дипломатија, руската воена акција во Украина мора да престане и руските сили да се повлечат. Досега САД не виделе никакви индикации дека Путин е подготвен да дозволи дипломатијата да успее, изјави портпаролот Нед Прајс

Американскиот Стејт департмент ја отфрли понудата на рускиот претседател Владимир Путин за разговори со Украина со објаснување дека тоа не е можно се додека во тек е воена окупација.

Говорејќи пред новинарите во Вашингтон денеска, портпаролот на Стејт департментот Нед Прајс рече дека не е дипломатија кога се разговара преку оружје.

„За да дојде до дипломатија, руската воена акција во Украина мора да престане и руските сили да се повлечат. Досега САД не виделе никакви индикации дека Путин е подготвен да дозволи дипломатијата да успее“,

рече тој.

Претходно денеска Кремљ соопшти дека Путин е „подготвен“ за разговори на високо ниво со украинската делегација во Белорусија за „неутралност“ и „демилитаризација“ на земјата.

Кремљ: Путин му потврди на кинескиот претседател дека Русија е подготвена да разговара со Украина

Украинскиот претседател Володимир Зеленски вечерва објави дека со американскиот претседател Џо Бајден разговарале за помош во одбраната, но не посочи детали.

Зеленски и Бајден разговараа за „помош во одбраната“

Претходно, на прес-конференција во Брисел, генералниот секретар на НАТО, Јенс Столтенберг објави дека Алијансата распоредува сили за брз одговор за прв пат во контекст на колективна одбрана.

Столтенберг: НАТО распоредува сили за брз одговор во источна Европа, за прв пат во контекст на колективна одбрана