„Растот на просечната нето-плата откако ВМРО-ДПМНЕ е на власт е околу десет проценти, а кога СДС беше на власт просечната плата порасна за околу осум проценти. Потоа, порастот на реалната плата во овој период откако ВМРО-ДПМНЕ е на власт е скоро седум отсто, за разлика од оние 3,5 отсто од периодот на владеење на СДС“, соопшти ВМРО-ДПМНЕ
Од партијата велат дека овојпат нема да му пресметуваат колку пари потршил иако, според нив, останува прашањето како лидерот на опозицискиот СДСМ, Венко Филипче може да си дозволи луксузен одмор во траење од еден месец
Венко Филипче вечерва докажа дека сонцето дефинитивно му удрило во глава во текот на овој месец додека се движеше на релација јахта-копно, реагираат од владејачката ВМРО-ДПМНЕ по вечерашниот настап на претседателот на СДСМ, Венко Филипче на ТВ Сител.
Од партијата велат дека овојпат нема да му пресметуваат колку пари потршил иако, според нив, останува прашањето како може да си дозволи луксузен одмор во траење од еден месец.
„Филипче покажа дека добро му одат само лагите, поточно опколен од толку луксуз и сонце сѐ му се поматило. Или сѐ му е последица од предолгото одмарање и сончање. Па така, еве само ќе го потсетиме на неколку бројки. Растот на просечната нето-плата откако ВМРО-ДПМНЕ е на власт е околу десет проценти, а кога СДС беше на власт просечната плата порасна за околу осум проценти. Потоа, порастот на реалната плата во овој период откако ВМРО-ДПМНЕ е на власт е скоро седум отсто, за разлика од оние 3,5 отсто од периодот на владеење на СДС. Или ова кажува едно – стандардот на граѓаните сега е поголем од времето кога СДС беше власт“,
велат од ВМРО-ДПМНЕ.
Од ВМРО-ДПМНЕ упатија порака до Филипче.
„Нека се гледа себе си, кадрите од другар му Зоран Заев, нека мисли на консолидација на редовите на СДС, ако воопшто може. Во меѓувреме, на граѓаните им е многу јасно што прави ВМРО-ДПМНЕ. Тоа го покажаа лани, а тоа ќе ги покажат и на 19 октомври“,
пишува во соопштението од ВМРО-ДПМНЕ.