Претседателот на ССМ, Слободан Трендафилов, во завчерашното интервју за „360 степени“ рече дека Македонија е на дното кога станува збор за платите и затоа не би рекол дека некому треба да му се чини многу зголемување на минималната плата од сегашните 397 на 600 евра
Премиерот Христијан Мицкоски вчера одговарајќи на новинарско прашање во врска со протестот и барањата на ССМ, изјави дека минималната плата законски се зголемува во март и дека ќе го поддржат секое решение што синдикатите ќе го постигнат со работодавците во дипартитен дијалог. Во интервју за „Клик плус“ на ТВ 21 премиерот рече дека синдикатите одбиле зголемување на платите за 40 отсто за четири години бидејќи, како што кажа, некој бил политички заробен
Сојузот на синдикатите на Македонија (ССМ) денеска попладне во 17 часот излегува на протест, на кој ќе го повторат своето барање за минимална плата од 600 евра и зголемување на сите други плати за сто евра.
На протестот, според најавите, се очекува да се приклучат синдикатите од образованието, културата, медиумите, индустријата, трговијата, полицијата и од други сектори. Протестот ќе почне пред Работничкиот дом, односно зградата на ССМ, а ќе заврши пред Владата.
Претседателот на ССМ, Слободан Трендафилов, во неделата преку отворено писмо порача дека протестот е одговор на ниските плати и тешката економска состојба на работниците.
„28 јануари е денот кога зборуваат работниците! Овој протест е за твојата плата, затоа што не стигнува од први до први. Кој ќе протестира за твојата плата ако не ти? Ако не излезме на улица, значи дека се согласуваме со сиромаштијата“,
напиша тој.
Премиерот Христијан Мицкоски вчера одговарајќи на новинарско прашање во врска со протестот и барањата на ССМ, изјави дека минималната плата законски се зголемува во март.
„Ние рековме дека ќе го поддржиме секое решение што синдикатите ќе го постигнат со работодавците во дипартитен дијалог“,
рече тој.
Во гостување во емисијата „Клик плус“ на ТВ21, говорејќи на темата, Мицкоски рече дека по истиот принцип како што од самиот почеток од доаѓањето на оваа влада се потпишале колективни договори со синдикатите во образованието и во здравството, се зголемиле платите во МВР и во Одбрана и се интервенирало во примањата на вработените во центрите за социјални работи, се воделе преговори и за зголемување на платите на административните службеници за осум отсто годишно или реален раст за 40 отсто за четири години, но истите преговори со репрезентативните синдикати пропаднале бидејќи, како што рече, некој бил политички заробен.
Претседателот на Бизнис-конфедерацијата, Миле Бошков, изјави дека за нив е прифатливо зголемувањето на минималната плата во март со усогласувањето со законот, но секое друго покачување, без олеснети давачки за социјалните придонеси, ќе биде голем товар за стопанството.
Според Бошков, 98 процнети од македонската економија ја сочинуваат мали компании кои немаат капацитет за големи трошоци.
Претсадетелот на ССМ, Слободан Трендафилов, во завчерашното интервју за „360 степени“ рече дека Македонија е на дното кога станува збор за платите и затоа не би рекол дека некому треба да му се чини многу зголемување на минималната плата од сегашните 397 на 600 евра.
Тој рече дека овие тврдења ги базира на фактот што владите на сите држави од опкружувањето на Македонија ги зголемиле работничките плати, токму преку зголемување на минималната плата.
Како пример ја посочи Албанија, каде што покрај зголемувањето на износот на минималната плата, државата ќе ги субвенционира и придонесите за останатите плати за да може да се зголемат.
Во однос на изјавите од Бизнис-конфедерацијата, од каде што јавно кажуваат оти се подготвени да разговараат и да се согласат за зголемување на минималната плата, доколку придонесите ги покрие државата, Трендафилов вели дека токму тоа било тема на разговор со работодавачите минатата година, но, за жал, иако работодавачите подавале рака, Владата вели да седнат и да се договорат со нив, иако нема никакви сигнали дека тие би биле согласни да ги покријат придонесите.
Трендафилов во интервјуто најави дека ако нема резултат, ССМ ќе премине на таргетирани блокади, генерален штрајк и собирање 10 000 потписи за предлагање закони, меѓу кои и за намалување на функционерските плати за 78 до 80 проценти и зголемување на работничките.