Средните училишта во Тетово и Гостивар ќе спроведуваат настава во првите 14 дена, додека пак средните училишта во Кичево и Струга во првите седум дена
Учебната година ќе започне со далечинско учење во средните училишта во Тетово, Гостивар, Кичево и Струга. Оваа одлуката ја донесе Владата на вечерашната редовна седница.
Средните училишта во Тетово и Гостивар ќе спроведуваат настава во првите 14 дена, додека пак средните училишта во Кичево и Струга во првите седум дена.
„Владата денеска го прифати предлогот на Комисијата за заразни болести за онлајн организирање на наставата во средните училишта во Тетово и Гостивар во траење од 14 дена од почетокот на учебната година, и онлајн настава од првите 7 дена во Кичево и Струга, заради ситуацијата со вирусот во овие општини, по што, откако ќе заврши овој период, ќе се донесе нова одлука согласно развојот на ситуацијата“,
соопштија од владината прес-служба.
На денешната владина седница е дополнет и протоколот за бројот на децата по групи во градинките, со што се зголеми бројот на деца од 21 на 25 деца и тоа само во големите групи, а не и за групите од 0 до 2 години.