Од земјите во регионот помладо население од нас има само Црна Гора 40,4 години, а постаро Албанија 44,3 и Србија 45,4 години. Средната возраст на Грците е 47,2, како и на Бугарите – 47,2 години. Во Хрватска и во Словенија средната возраст е 45,5 години
На 1 јануари 2025, средната возраст на населението на ЕУ достигнало 44,9 години, покажуваат податоците на Еуростат за 2025 година. Ова значи дека половина од луѓето во ЕУ биле постари од 44,9 години, додека другата половина биле помлади. Низ целата ЕУ, таа се движела од 39,6 години во Ирска до 49,1 година во Италија.
Средната возраст на населението во земјава е 42,21 година, а во споредба со 2015 година кога била 37,4, таа е зголемена за речиси пет години.
На ниво на ЕУ, средната возраст се зголемила за 2,1 година од 2015 година, кога била 42,8 години. Зголемувања се забележани во сите земји од ЕУ, освен во Германија и Малта.
Од земјите во регионот помладо население од нас има само Црна Гора – 40,4 години, а постаро Албанија – 44,3 и Србија – 45,4 години. Средната возраст на Грците е 47,2, како и на Бугарите – 47,2 години. Во Хрватска и во Словенија средната возраст е 45,5 години.
Стареењето на населението е најизразено во Словачка и во Кипар, каде што средната вредност се зголемила за 4 години, по што следуваат Италија за 3,9, Грција и Полска по 3,8 и Португалија за 3,7 години.
Податоците на Еуростат покажуваат дека населението на ЕУ на 1 јануари 2025 се проценува на 450,6 милиони луѓе.
Децата на возраст од 0 и 14 години сочинуваат 14,4 отсто од населението на ЕУ, додека луѓето кои се сметаат за работоспособни од 15 до 64 години сочинуваат 63,6 проценти. Лицата на возраст од 65 години и повеќе имаат удел од 22 отсто што е зголемување во споредба со претходната година.
Низ земјите од ЕУ, според податоците на Еуростат, најголем удел на деца во вкупното население во 2025 година е забележан во Ирска со 18,5 отсто, а потоа се Шведска со 16,8 и Франција со 16,6 проценти. Најниски удели, пак, се забележани во Италија со 11,9 отсто, Малта со 12,1 и Португалија со 12,6 проценти. Во споредба со 2024 година, само две земји од ЕУ – Луксембург и Германија, имале постојан удел на деца во населението во 2025 година, додека во другите земји овој удел се намалил.