Средба без маски во Тирана: Рама го пречека Груби со бел лист за пописот

Испратен е апел до дијаспората на Северна Македонија „да одговори на процесот на регистрација, колку што е можно повеќе, со оглед на тоа што исполнуваат морална и национална обврска“

Со бел лист, на кој е напишана електронската адреса на Државниот завод за статистика за попишување во странство, албанскиот премиер Еди Рама го пречекал денеска во Тирана македонскиот прв вицепремиер Артан Груби, кој на Фејсбук објави фотографии од средбата.

• 

• 

Груби објави дека со Рама, меѓу другото, разговарале и за „важноста на процесот на регистрација на дијаспората, каде што со ова се апелираше до дијаспората на Северна Македонија да одговори на процесот на регистрација колку што е можно повеќе, со оглед на тоа што исполнуваат морална и национална обврска.“

Груби по средбата со претседателот на Албанија: Со Мета се согласивме дека пописот е витален за Албанците и апелираме дијаспората масовно да се регистрира

„Задоволство е што денеска во Тирана се сретнав со албанскиот премиер Еди Рама. Ме пречека со интересен гест, така што на бел лист напиша: htpps://census.stat.gov.mk. Почестен сум од овој братски премиерски прием од Рама, со кого разговаравме за билатералните односи меѓу Северна Македонија и Албанија, но и за спорот кој последниве месеци се интензивира меѓу Северна Македонија и соседна Бугарија, без да ја заборавиме темата за интеграција на нашите земји во Европската Унија“,

напиша Груби на Фејсбук.

Вархеји најави наскоро меѓувладина конференција за Албанија, Рама порача – ќе ја чекаме Северна Македонија

Тој наведе дека разговарале со Рама и за Коридорот 8. Груби, како што наведува, го известил албанскиот премиер дека и во Северна Македонија се работи на изградба на овој коридор што е можно поскоро.