Во пробен период од шест месеци, 3 300 работници во 70 компании работеле 80 отсто од времето, со обврска да одржат 100 отсто од нивната продуктивност
Во изминатите осум недели во Велика Британија спроведен е голем експеримент за здрава работна недела. Резултатите покажуваат дека четири дена работа и три дена одмор значително ја зголемуваат продуктивноста на работниците, кои тврдат дека секојдневните задачи ги извршуваат полесно, подобро и со поголем ентузијазам. Истиот експеримент беше спроведен порано во други земји, но беа добиени сосема различни резултати.
Во пробен период од шест месеци, 3 300 работници во 70 компании работеле 80 отсто од времето, со обврска да одржат 100 отсто од нивната продуктивност. Програмата ја водеше непрофитната организација „4 дена во неделата Глобал“, „Автономии“ и кампањата „4 дена во неделата Велика Британија“ во партнерство со истражувачи од Универзитетот Кембриџ, Универзитетот Оксфорд и Бостонскиот колеџ.
Истражувачите го мереле влијанието на новиот модел на нивоата на продуктивност, родовата еднаквост, животната средина и благосостојбата на работниците. На крајот на ноември компаниите ќе имаат можност да одлучат дали сакаат да продолжат со оваа практика, но првите резултати веќе укажуваат на придобивките од новата рутина.
„Сега навистина можам да уживам во викендот, затоа што имам петок да завршам домашни работи и можам да го направам тоа без да чувствувам вина“,
вели една од учесничките во проектот, Лиза Гилберт, менаџер за кредитни услуги во банка во Велика Британија.
Бура пред успех
Сепак, ваквата транзицијата не поминала без проблеми.
Саманта Лосеи, управен директор на агенцијата „Јунити ПиАр“ во Лондон, вели дека првата недела била навистина хаотична, а нејзиниот тим не бил подготвен за пократки предавања.
„Да бидам искрен, таа прва недела беше хаос. Бевме насекаде. Мислев дека направивМЕ огромна грешка. Не знаев што правам”,
рече таа.
Сепак, во текот на работата тие увиделе кои работи треба да се променат. Сега, на пример, сите внатрешни состаноци се ограничени на не повеќе од пет минути, сите состаноци со клиенти се 30 минути и воведен е систем за да спречи непотребно одвлекување на вниманието – на бирото кај секој од вработените има семафор и ако го постават на „зелено“ тогаш се подготвени да разговараат, ако го постават на „жолто“ тогаш се зафатени, но подготвени да разговараат, а ако е на „црвено“ тогаш тие не сакаат да бидат прекинувани.
За да влезат во ритам им било потребно четири недели.
Исланд на чело
Иако земји како Шведска, САД и Финска исто така го испробаа концептот на здрава работна недела, лидер во овој експеримент е Исланд.
До минатиот месец, Исланд ја спроведуваше најголемата пробна четиридневна работна недела во светот. Помеѓу 2015 и 2019 година, земјата ангажирала 2 500 работници во јавниот сектор на два пробни периоди. Што е најважно, тие испитувања открија драматично зголемување на благосостојбата на вработените.
Една софтверска компанија откри дека работниците во САД трошат околу 58 проценти од својот ден на активности како што се одговарање на е-пошта и присуство на состаноци, наместо да ја вршат работата за која биле ангажирани.
Овој нов начин на работа покажл дека времето поминато на многу споредни активности е намалено, така што резултатите ги надминаа сите очекувања.