Премиерот Оливер Спасовски со објава на Фејсбук им посака успех во новиот мандат на Српската напредна партија (СНС) и на српскиот претседател Александар Вучиќ, по вчерашната победа на парламентарните избори во Србија.
„На изборите одржани во Србија, претседателот Вучиќ и СНС ја добија поддршката од граѓаните. Посакуваме успех во новиот мандат. Во наредниот период, очекуваме досегашната соработка да биде интензивирана и продлабочена во интерес на граѓаните на двете држави, развојот и стабилноста во нашиот регион, и со тоа забрзување на интеграцијата во Европската Унија“,
напиша Спасовски на Фејсбук.