Москва реагираше дека е разочарана од одлуката на Братислава, додавајќи дека за нејзиниот одговор нема да се чека долго
Словачка оваа своја одлука ја образложува делумно и со тензиите на релација Чешка-Русија
Тројца вработени во руската амбасада во Братислава треба да ја напуштат Словачка во рок од една недела во согласност со ситуацијата во Чешка, соопшти словачкиот премиер Едуард Хегер.
„Во согласност со моменталната геополитичка состојба, како и ситуацијата во Чешка, тројца вработени во руската Амбасада во Братислава мора да ја напуштат територијата на Словачка во рок од седум дена“,
изјави Хегер пред новинари во Братислава.
Москва реагираше дека е разочарана од одлуката на Братислава, додавајќи дека за нејзиниот одговор нема да се чека долго.
Прага протера 18 вработени во руската Амбасада поради наводната улога на Русија во експлозија во магацин со оружје во 2014 година во која загинаа две лица.
Како реципрочна мерка, Москва протера 20 чешки дипломати.