Прегазено е четиригодишно дете вечерва околу 18 часот, на улицата „Никола Тесла“ во Струмица, а возачот на автомобилот побегнал од местото на несреќата.
Настанот, како што пренесува МИА, го потврдиле од струмичката полиција, од каде информирале дека детето, по приемот во Медицинскиот центар – Струмица, со тешки телесни повреди, е пренесено во Клиничкиот центар во Скопје.
Полицијата и јавен обвинител извршиле увид на местото на несреќата.