Засега нема информација како е предизвикана оваа сообраќајна незгода и дали има повредени
Сообраќајна незгода која се случила денеска на пладне на патот од село Прждево кон Демир Капија целосно го затворила за сообраќај регионалниот пат 1102 во двата правци.
Оваа информација ја соопштија од АМСМ, посочувајќи дека патот е затворен за сообраќај денеска од 12 часот на пладне.
Засега нема информација како е предизвикана оваа сообраќајна незгода и дали има повредени.
Утрово од АМСМ информираа дека интензитетот на сообраќајот на патните правци низ државата е зголемен.
Оттаму апелираа на прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.