Според првичните информации, во несреќата има повредени лица, но не се знае тежината на нивните повреди
Сообраќајна несреќа меѓу три возила се случи вечерва на експресниот пат Кочани – Штип, во близина на селото Тркање, информираат од Секторот за внатрешни работи (СВР) Штип.
Според првичните информации, во несреќата има повредени лица, но не се знае тежината на нивните повреди.
На терен веднаш пристигнале екипи на Итната медицинска помош.
Полицијата врши увид на местото на несреќата.
Автомото сојузот на Македонија (АМСМ) вечерва информираше дека експресниот пат Кочани-Штип е затворен за сообраќај и истиот се пренасочува по регионалниот пат Кочани-Штип.