Денеска времето во земјава ќе биде сончево со умерена облачност и релативно топло, информираат од Управата за хидрометеоролошки работи (УХМР). Ќе дува умерен до засилен ветер од јужен правец. Кон крајот на денот во западните делови ќе има врнежи од дожд.
Минималната температура ќе движи во интервал од пет до 10 степени Целзиусови , а максималната ќе достигне од 14 до 19 степени.
Во Скопје исто така се очекува сончево време со умерена облачност и слаб до умерен ветер од јужен правец. Минималната температура во главниот град ќе се спушти до шест, а максималната ќе достигне до 15 степени Целзиусови.
В сабота ќе има локални врнежи од дожд, а од недела следува период на стабилно време со умерен до засилен северен ветер и опаѓање на температурите.