Минималните температури ќе се движат во интервал од 3 до 10 Целзиусови степени, a максималните ќе достигнат од 16 до 26 степени
Сончево време со мала до умерена локална облачност најавува Управата за хидрометеоролошки работи (УХМР) за денеска. Ќе дува слаб до умерен ветер од јужен правец.
Минималните температури ќе се движат во интервал од 3 до 10 Целзиусови степени, a максималните ќе достигнат од 16 до 26 степени.
На планинските региони попладнево ќе има услови за изолирана појава на краткотраен дожд.
Во Скопје се очекува претежно сончево време со мала до умерена облачност и слаб јужен ветер. Температурите во Скопскиот Регион ќе се движат од минимални 8 до максимални 26 степени.
Слично време УХМР најавува и за утре.