Ситуацијата на северот на Косово, иницијативата „Отворен Балкан“ и Берлинскиот процес се темите кои ќе бидат во фокусот на разговорите меѓу албанскиот премиер и неговите колеги од петте земји од Западен Балкан што ќе ги посети
Со посетата на Скопје в четврток, 6 јули, премиерот на Албанија, Еди Рама, ја започнува својата дводневна турнеја низ земјите од Западен Балкан. Ситуацијата на северот на Косово, иницијативата „Отворен Балкан“ и Берлинскиот процес се темите кои ќе бидат во фокусот на разговорите меѓу албанскиот премиер и неговите колеги.
Својата балканска турнеја Рама ќе ја започне со посетата на Северна Македонија каде што ќе има средба со македонскиот премиер Димитар Ковачевски. Од Скопје, албанскиот премиер истиот ден заминува за Приштина, каде што средба ќе оствари со премиерот Албин Курти.
В петок Рама заминува за Белград каде што е предвидено да се сретне со српскиот претседател Александар Вучиќ.
Ќе ги посети и Црна Гора и Босна и Херцеговина за со тамошните премиери да разговара за важноста на стабилноста во регионот и за неодамнешните тензии меѓу Србија и Косово.