И покрај ситуацијата со коронавирусот, тој го зголеми своето богатство во 2020 година за дури 100 милиони долари
Пред неколку години, финансиските извештаи од целиот свет укажуваа на зголемување на јазот помеѓу богатите и сиромашните и последиците за општеството.
Додека целиот свет е насочен кон човечките жртви на пандемијата од ковид-19 и процесот на развој на вакцините, економските експерти ширум светот изразуваат голема загриженост за, засега, непредвидливите економски последици предизвикани од нарушување на многу сектори и затворање на цели континенти.
Но ова ова не важи за најбогатите. Сопственикот на „Тесла“, Илон Маск, е апсолутен победник во 2020 година бидејќи тој успеа новата ситуација околу коронавирусот да ја сврти во своја полза и го зголеми своето богатство во 2020 година за дури 100 милиони долари, што го донесе на второто место на листата на најбогати во светот.
На првото место е сопственикот на компанијата „Амазон“, Џеф Безос, а на третото е најпознатиот член на листата, Бил Гејтс.
Маск годинава ги надмина основачите на „Гугл“ и „Оракл“, кои беа на врвот до оваа година, но и на добро познатиот инвеститор Ворен Бафет. Овој податок е уште поимпресивен ако се знае дека Маск во јануари годинава бил 28. на листата со богатство од 32 милијарди.
Дали ова најавува промена на генерациите на пазарот, какви предности носи продорот на овој релативно млад иноватор и бизнисмен, ќе се знае на 21 декември кога ќе биде објавен индексот S&P 500 (500 најголеми акционерски друштва во САД). Тоа ќе покаже дали „Тесла“ конечно ќе биде признаена како компанија за развој на висока технологија на иднината.
Аналитичарите сметаат дека сите предвидувања за успех се на страната на Маск.