Словенечката Управа за безбедност на храната од страна на синџирот маркети „Шпар“ била известена дека од продажба повлекуваат ајвар произведен во Северна Македонија поради присуство на недозволени материи.
Оваа информација, како што јави МИА од Љубљана, е објавена на интернет-страницата на словенечката влада.
Засега не се соопштува за какви штетни материи се работи, но на известувањето пишува дека ајварот е произведен од компанијата „Алтера фуд“ ДОО со седиште во Гевгелија.
Со објавата се повикуваат сите оние што имаат купено од ајварот да го вратат во една од продавниците на „Шпар“-Словенија.