Патничко моторно возило „хонда џип” со скопски регистарски ознаки изутрината излетало од патот на клучката Хиподром кон обиколницата, информираат за МИА од Министерството за внатрешни работи.
Полициски службеници од СВР Скопје се излезени на местото на настанот.
АМСМ во вонреден извештај изутрината во 5.35 часот информираше дека патниот правец Велес-Скопје по обиколницата кај Хиподром е блокиран поради сообраќајна незгода.
Од МВР соопштуваат дека во тек се засилените акциски сообраќајни контроли на територијата на град Скопје и во текот на вчерашниот ден изречени се 106 мерки, од кои 47 се за брзо возење, 20 за непрописно паркирање, 10 прекршоци од возачи на мотоцикли, осум за непрописно престигнување и обиколување и пет за возач почетник.