Триесет и петгодишниот Л.Л. од Скопје доби кривична пријава за злоупотреба на лични податоци. Тој објавувал фотографии на социјалната мрежа Фејсбук од својата поранешна партнерка и тоа без нејзино знаење.
„Секторот за компјутерски криминал и дигитална форензика при Министерството за внатрешни работи поднесе кривична пријава против Л.Л.(35) од Скопје, поради постоење основи на сомнение за сторено кривично дело „злоупотреба на лични податоци“, казниво по член 149 од Кривичниот законик“, информира МВР.
Пријавениот на 27 и 28 јануари 2020 на социјалната мрежа Фејсбук објавил фотографии од неговата поранешна девојка, без нејзино знаење. Исто така, додека биле во врска, без дозвола влегол на нејзиниот профил на „Вибер“ и го инсталирал на неговиот персонален компјутер.