Момчето било во друштво со уште едно лице од ова скопско село и кај нив биле пронајдени и пиштол и куршуми
Интервентната полиција заедно со тим за потраги од МВР денеска во скопско Батинци уапси 21-годишно момче кое било барано по потерница за кривично дело убиство.
Момчето било во друштво на уште едно 24-годишно лице, а за избегаат скокнале од втор кат на куќа, но безуспешно.
„Кога ги забележале полициските службеници, М.Џ. и Р.Р. се обиделе да избегаат скокајќи од втор кат на куќа, каде биле лоцирани, но веднаш биле лишени од слобода. При преглед кај М.Џ. е пронајден пиштол со рамка и девет куршуми, како и поголема количина пари, а кај Р.Р. пронајдени се 27 куршуми“,
соопштија од МВР.
Акцијата во Батинци се случила околу 14:30 часот денеска, а по приведувањето двете момчиња биле однесе во полициска станица.