Две млади жени, со потекло од Балканот, а кои живеат и работат во странство, денеска се венчаа во Будва, соопшти Општината. Тоа е првиот истополов брак склучен во Црна Гора откако почна примената на Законот за животно партнерство.
Министерката за јавна управа, дигитална трансформација и медиуми, Тамара Срзентиќ, на Твитер напиша дека е многу горда што во Црна Гора е склучено првото животно партнерство на лица од ист пол.
Danas je značajan dan za LGBTIQ zajednicu u ?? i ponosna sam što je u našoj zemlji zaključeno prvo životno partnerstvo osoba istog pola. Raduje me što je primjena Zakona o životnom partnerstvu i zvanično počela i želim sreću i puno ljubavi partnerkama u zajedničkom životu. ?️?❤️
— Tamara Srzentić (@TamaraSrzentic) July 25, 2021
„Драго ми е што официјално започна спроведувањето на Законот за животно партнерство и им посакувам среќа и многу љубов на партнерките во нивниот заеднички живот“,
напиша Срзентиќ.
Иако Законот за животно партнерство на лица од ист пол беше усвоен пред една година, Срзентиќ истакна дека има уште многу работа за да се исполнат сите предуслови за негова целосна примена.